home *** CD-ROM | disk | FTP | other *** search
/ Atari Forever 4 / Atari Forever 4.zip / Atari Forever 4.iso / LIEDER_T / 77.ZIP / 77 / TEXTE.100 / TEXT.100 < prev   
Text File  |  1998-03-14  |  2KB  |  59 lines
  1. Titel:        DREI WÜNSCH' FREI
  2.  
  3. Interpret:    BAP
  4.  
  5. ---------------------------------------------------------------------
  6.  
  7. Wie off petsch ich mich en der Ärm,
  8. wie off pack ich mir ahn Kopp,
  9. weil neuderdings jonn Saache aff,
  10. do köhm em Draum ich nit ens drop,
  11. su wie'sch mir letztens
  12. en Doos Bier opmaach,
  13. doch russ kütt bloß en Fee,
  14. die säuselt:
  15. "Danke großer Meister,
  16. do häss drei Wünsch' bei mir frei."
  17.  
  18. Ich saare: "Herrlich, Frollein, kann ich wohl en Spur Bedenkzigg
  19. hann?"
  20. Un se säht: "Logisch - nur die Ruh', ich maach et Radio sulang ahn.
  21. Do läuf jraad Werbung, un dä Sprecher stöhnt, als jing ihm einer aff,
  22. dat Columbusei des Tages wööhr dä so'n' so Hoostesaff.
  23.  
  24. Ne andre Sender - schnell - ejal wat, doch wie jede Naach öm Zwölf,
  25. läuf ävverall dä Chor, dä jet vun "Einigkeit und Freiheit" gröhlt.
  26. !"Die Schnulze kenn ich" - saach ich, "dat ess die Musik zur
  27. Jeisterstund",
  28. maach uss un't Fernsehn ahn un brech zesamme:
  29.  
  30. Zimmermann en bunt.
  31. Dä hällt en Reed, die strotz vüür Logik,(un ich kotz vüür Sympathie),
  32. et jeht öm Arbeitsplatzerhaltung en der Rüstungsindustrie.
  33. Dat zo ner Zigg, wo dä Planet he längs ahn alle Ecke brennt,
  34. un alle sechs Sekund e Kind verhungert irjendwo op dä Welt.
  35.  
  36. Die rüste wigger, als wöhr janix, met dä Wahnsinns Konsequenz,
  37. dat mer Kreechsminister jetz Verteidijnungsminister nennt.
  38. Dat, obwohl wirklich rund sinn dürf: Die Nohkreechszigg es lang
  39. vorbei,
  40. dat he's die Vüürkreechszigg - un zwar die vum Weltkreech Nummer
  41. drei.
  42.  
  43. Gläuv wer tatsächlich ahn dä Nonsens, 's einer wirklich su borniert,
  44. dat die Nummer met dämm Gleichjewicht em Ähnzfall funktioniert?
  45. Sinn mir dann bloß en Lemmingshääd, die mer nohm Abgrund dirigiert?
  46. Et ess unfassbar, wie freiwillig sich der Minsch selvs ussradiert.
  47.  
  48. Wo sinn die Schlachte ahn der Marne? Wo's My Lai, Hiroshima,
  49. die Bombernäächte, Hamburg, London, wa's met Beirut, Guernica?
  50. Sinn die Massaker all verdräng, vun Kalavrita bess Warschau?
  51. Ich kenn vunn all dämm zwar nur Bilder, doch die kenn ich janz jenau.
  52.  
  53. Aja, die Fee vum Ahnfang - stemp, do wohr vun drei Wünsch' jo die
  54. Red',
  55. op zwei verzicht ich jähn, wenn blooß dä eezte en Erfüllung jeht.
  56. Wa'sch mir jewünsch hann, wollt ihr wesse, deit mer leid, dat ess
  57. jeheim,
  58. weil dä Verfassungsschutz es mittlerweile och he drinn doheim.
  59.